伍富桥（Alvin）与太太梁兆楹（Shirley）结婚至今已经两年，二人不时周游列国，近日仲先到新加坡再飞马尔代夫，一直好惊潜水嘅伍富桥亦为老婆打破心理障碍一齐潜水，Shirley大讚伍富桥无惊到去咗浅水区，仲帮到佢影相。不过，呢趟旅行期就有人向Shirley报料，指拥有伍富桥出轨证据。

据悉，Shirley父亲从事物流业及食品等生意，拥有两间麻将馆，身家以亿计算，伍富桥与Shirley结婚后居住于西贡相思湾5千呎豪宅，因而被标籤为「亿万驸马」。二人恩爱又幸福，6月份伍富桥生日时，由于佢热爱篮球，Shirley準备咗个篮球造型蛋糕之外，亦送上着名NBA球队湖人2012－13球季队员签名篮球，包括已逝世嘅球星高比拜仁（Kobe•Bryant）；据悉，签名篮球从外国拍卖购入，价值超过五位数。另外，Shirley又送上生日日期车牌，更帮手到停车场更换车牌，相当宠爱老公伍富桥。今次Shirley生日之旅，二人全程乘坐商务客位，及入住超豪华酒店；日前，伍富桥分享一张影住老婆手提电话嘅照片，从相中看到有人私讯Shirley，表示伍富桥出轨：「我有你老公偷食证据起（喺）手」，Shirley仅回覆一个「good」嘅表情符号，同时表示：「想睇」，伍富桥则于IG限时动态写道：「我老婆话如果要课金先有得睇 就唔睇」，又指：「我琴日（开工）都影左好多床照 係咪果几张？」，唔少网民都留言认为伍富桥唔会出轨：「点会得失长期饭票」、「一定唔会出轨」、「我都想做驸马爷」、「有戏拍桥哥自传未，想睇」等等。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！